نفسیم قارالیر بو قارا دام دا
حوری وار تویلیر شیطانی جام دا
آدام وار جهنم قازانیر طام دا
"سئوگیدن سویله مه دای شاعیر آننا
حاقلینی حاقسیزلیخ بویایب قاننا"
***
خیالیم پارچالان ،اورگیم پارتدا
لیلی لر عیاشین قوجاقی آتدا
غیرتین واریسا اولرسن حتی
"سئوگیدن سویله مه دای شاعیر آننا
لیلی نی مجنونی پیسله یاماننا"
***
ارکهلر میلی نی ارکه گه ساللار
قادین وار عفتین فقریدن پایلار
بله مملکتی ابلیس ده قابلار
"سئوگیدن سویله مه دای شاعیر آننا
بچه تک یورمورتا، فره تک باننا"
***
قوخورام حاجی دان ساردان ساکگالدان
قیژغیرمیش قوجادان یتیشمیش کالدان
شیر هیبتینده یاتان چاکگالدان
"سئوگیدن سویله مه دای شاعیر آننا
ملا لار دست ناماز آلیلار قاننا"
***
منبرین دوره سین آلیب دی میلچک
بزنیب مچیدلر تازه گلین تک
باشیوی قالدیر ای ساوادلی اشک
ملتین شی نن اوینام ال چک
"سئوگیدن سویله مه دای شاعیر آننا
سئوگیدن سویله مه دای شاعیر آننا"
ماهنی یازان آراس مقامی
,سئوگیدن ,مه ,شاعیر ,آننا ,دای ,سویله مه ,مه دای ,دای شاعیر ,شاعیر آننا ,سئوگیدن سویله
درباره این سایت